本來諗住今年都唔會係屋企做乜野佈置，但係過年前係星期六日，有兩日假期，最後都去買左一啲年貨 : 揮春 + 年花. 

揮春唔洗諗，一手掃落去就係"身體健康" "龍馬精神"，對我黎講，仲有乜野應景得過呢兩樣 .  年花太簡單，因為我喜歡既combination唔多，(1)水仙 or (2)銀柳富貴子鳳尾 or (3)大紅劍蘭, 今年係option(2), 幾靚.

但願所有既衰運都快啲離開我，快啲放過我. please..   

過左黎英國已經剛好一星期，除左凍同悶，無乜野好講。 3点幾開始天黑，我呢d排骨精無乜脂肪，出親門口都要著住個睡袋(我寒冬三寶既"大寶”- 羽绒褸)，不過醫得頭又顧唔到腳，d腳指好澆。我真係唔明点解d鬼妹仲可以著件deep U tee, 露左2/3個胸出黎，又唔圍頸巾，我淨係見到佢咁著我已經覺得凍~~。 呢度唔係旅遊區，平曰個mall都係小貓十幾隻，而家近聖誕，突然唔知係邊度湧晒d人出黎，幾熱鬧(不過梗係無得同香港比啦). 人人都買到一袋二袋，最費解係。。跟本就無乜嘢好吸引，我有d好奇佢地究竟買左乜東東。 好彩我搵到個幾抵既無限上網plan . £10/Mth, 唔洗簽約，用完一個月就top up, 啱晒我呢d短期停留既用戶。如果無得上網，一定會悶死我。 火星男既電療完左，要聖誕前先再見醫生决定下一步做乜。我係完全好失望点解呢度样样都用"星期"黎做unit...我第一次見約期係用信黎通知(?)，点解唔係即刻約下一次？点解唔用電話？有d時光倒流40年既感覺。。。。生cancer喎， 唔係要快快快咩? 唉，不過我係呢度無勢力，又無人係我呢邊幫口，唯有既來之則安之 >_<

好多人見我銷聲匿跡，以為我飛左，其實我仲係日日係香港出現，朝朝欄起身返工。心理上我當然係想快啲飛過去火星，睇吓搞咗成個月究竟搞左啲乜，但係現實中，我需要一份定期出糧，有bonus（幫補交稅..），同有醫療保險既穩定工作(尤其係今時今日百病纏身既環境…..)。火星男既treatment plan應該下星期會明朗化，所以今日都訂左機票，如無意外，應該會係下星期六到火星，留到大除夕返香港。好多年都話想係火星過聖誕，無想過今年終於成事，但係…. 係咁既情況下, 非我們所願也。 有朋友提我何不睇吓風水，因為佢地覺得點解我地七月搬屋，八月火星男覺唔妥，九月確診大大鑊……. 聽落又好似有啲邪，但係睇完又點呢，唔通而家走去賣樓再走去搵樓，然後又搞裝修搬屋？我已經係得番半條人命（另外一半係狗命…）係無可能而家黎搞呢啲野。 我覺得風水係一種感覺加上common sense, 我自己企係間屋一陣，其實已經spot到有兩件事可以改變。 尋晚做咗一樣，今晚會做埋另一樣，睇吓係咪會順眼啲，舒適啲。